سعودی عرب میں کرپشن کے خلاف بڑے پیمانے پر کریک ڈاؤن شروع کردیا گیا ہے جس میں متعدد شہریوں اور سرکاری افسران کے خلاف مقدمات درج کیے گئے ہیں۔مزید تفصیلات اس رپورٹ میں عرب خبر رساں ادارے کے مطابق سعودی عرب کی اینٹی کرپشن اتھارٹی (نزاہہ) نے رشوت ستانی ، غبن اور عوامی مالی وسائل کی خورد برد کے مقدمات درج کیے ہیں اور کئی معاملوں میں سزائیں بھی دی گئی ہیں۔ نزاہہ کے جاری کردہ بیان کے مطابق وزارت دفاع کے ایک افسر کو غبن کرنے کی بنا پر 5 سال کی قید اور جرمانے کی سزا دی گئی ہے اور غبن کی گئی تمام رقم قومی خزانے میں جمع کروانے کی ہدایت بھی کردی گئی ہے۔ علاوہ ازیں ایک اور ریٹائرڈ افسر کو بدعنوانی کے جرم میں تین برس کی سزا سنائی گئی ہے۔
وزارت ہاؤسنگ کے مطابق منی لانڈرنگ اور رشوت ستانی ثابت ہونے پر کئی افسران اور اہل کاروں کو دو سے دس سال تک قید کی سزائیں دی گئی ہیں اور ان کی جائیدادیں ضبط کرلی گئی ہیں۔اتھارٹٰی کے مطابق وزارت داخلہ میں بھی رشوت ستانی کے مرتکب افراد کو پانچ سال تک سزائی سنائی گئی ہیں۔ اسی طرح وزارت صحت کی جانب سے متعدد ڈاکٹروں کے خلاف بھی اختیارات کے غلط استعمال اور رشوت لینے کے الزامات ثابت ہونے کے بعد کارروائی کی گئی ہے جن میں ملوث ڈاکٹروں کو 5 سال تک قید کی سزائیں دی گئی ہیں اینٹی کرپشن اتھارٹی کی جانب سے سعودی عرب کی وزارت صحت کے 24، ماحولیاتی تحفظ کے 15، شہری انتظامیہ کے 14، دو یونیورسٹی اساتذہ اور طبی فضلے ٹھکانے لگانے والی کمپنی کے 16 ملازمین کے خلاف کارروائی کی گئی ہے۔

پہلے ٹیسٹ کیلیے پاکستانی اسکواڈ کراچی میں یکجا ہوگیا۔جنوبی افریقہ سے پہلے ٹیسٹ میں مقابلے کے لیے پاکستانی اسکواڈ لاہور سے بذریعہ چارٹرڈ فلائٹ کراچی پہنچا۔مزید تفصیلات اس رپورٹ میں۔جنوبی افریقہ سے پہلے ٹیسٹ میں مقابلے کے لیے پاکستانی اسکواڈ لاہور سے بذریعہ چارٹرڈ فلائٹ کراچی پہنچا، کھلاڑیوں، سپورٹ اسٹاف ارکان و اہلخانہ، امپائرز، ڈاکٹر اور دیگر ضروری عملہ سمیت 50 افراد نے نیشنل ہائی پرفارمنس سینٹر میں جمع ہونے کے بعد سہ پہر کو علامہ اقبال انٹرنیشنل ایئرپورٹ سے شہر قائد کیلیے اڑان بھری، ان میں دیگر شہروں سے پیر کو لاہور پہنچنے والے کرکٹرز بھی شامل تھے۔نیشنل ہائی پرفارمنس سینٹر کے 2کوچز، ثقلین مشتاق اور محمد یوسف بھی پہنچے،گرانٹ بریڈ برن پہلے ہی کراچی میں موجود ہیں، کراچی میں موجود کھلاڑی، سپورٹ اسٹاف ارکان اہل خانہ کے ہمراہ ہوٹل پہنچے، یہ تمام افراد اپنے شہروں میں 2کورونا ٹیسٹ کلیئر کرانے کے بعد اسکواڈ کا حصہ بنے تھے، راستے میں بھی ایس او پیز پر مکمل عمل درآمد کرتے ہوئے کسی نے ماسک اتارنے کی غلطی نہیں کی۔یاد رہے کہ نیوزی لینڈ کیلیے سفر کے دوران پاکستانی کرکٹرز کے وائرس کا شکار ہونے کی وجہ سے خاصی مشکلات کا سامنا کرنا پڑا تھا، کراچی آمد کے بعد دوبارہ سیمپلز حاصل کرلیے گئے، بدھ کو کھلاڑی آرام کریں گے۔رپورٹس منفی آنے پر جمعرات سے نیشنل اسٹیڈیم پر پریکٹس کا سلسلہ شروع ہوجائے گا، منتخب 20پلیئرزمیں سے 4کو ڈراپ ہونا پڑے گا، کئی نئے چہرے شامل کیے جانے کی وجہ سے ٹیم مینجمنٹ کو بہتر کمبی نیشن بنانے کیلییاہم فیصلے کرنا ہوں گے۔

وفاقی وزیر برائے سائنس اینڈ ٹیکنا لوجی فواد چوہدری کا کہنا ہے کہ فضل الرحمن تنہائی کی اذیت کا شکار ہیں، ‘مولانا کسی حکیم سے ذہنی دباؤ کی دوا لیں۔پریس کانفرنس کرتے ہوئے فواد چوہدری نے پی ڈی ایم کے جلسے پر ردعمل دیتے ہوئے کہا کہ مریم نواز ہزاروں لوگوں کو لاکھوں سمجھ بیٹھی ہیں، انہیں لگتاتھاکہ عوام مولاناکوخلیفہ سمجھ بیٹھے ہیں۔وفاقی وزیر برائے سائنس اینڈ ٹیکنا لوجی کا کہنا تھا کہ مفروری 2001میں نوازشریف کا مشرف کے ساتھ این آر او ہوا، 2016میں براڈشیٹ کا یہ فیصلہ ہمارے خلاف آیا، اس وقت پاناما عروج پر تھا مگرپاکستان میں کوئی خبر نہ تھی۔انہوں نے مزیدکہا کہ نواز شریف کی فیملی آرٹسٹ ہے اس نے کرپشن کو بھی ایک آرٹ کی شکل دے دی ہے، اسی لیے این آر او لے کر پوری فیملی باہر چلی گئی تھی۔
فواد چوہدری کا پی ڈی ایم کے جلسے پر ردعمل
نواز شریف کی فیملی نے کرپشن کو ایک آرٹ کی شکل دے دی ہے، فواد چوہدری