TECHNICAL SPECIFICATIONS
OUR LATEST ARTICLES
CORONA VIRUS
کورونا وائرس نے خطرے کی گھنٹی بجادی جان لیوا وائرس سے ایک دن میں مزید 100 افراد جاں بحق ہوگئے۔پشاور کے 3 بڑے اسپتالوں، لیڈی ریڈنگ، خیبر ٹیچنگ اسپتال، ایچ ایم سی میں کورونا مریضوں کے لیے مختص 83 فیصد بیڈ بھر گئے۔
نیشنل کمانڈ اینڈ آپریشن سینٹر کی جانب سے جاری کردہ اعداد و شمار کے مطابق گزشتہ 24 گھنٹوں کے دوران 46 ہزار 269 کورونا ٹیسٹ کئے گئے، جس کے بعد مجموعی کووڈ 19 ٹیسٹس کی تعداد ایک کروڑ ایک لاکھ 53 ہزار 36 ہوگئی ہے۔
خیبر پختونخوا میں کورونا کیسز میں اضافے کے بعد اِن ڈور اور آؤٹ ڈور تقریبات پر پابندی عائد کر دی گئی ہے۔
صوبے میں کھیلوں کے مقابلے، سماجی اور مذہبی اجتماعات بھی نہیں ہوں گے۔دوسری جانب اسلام آباد کے اسپتالوں میں بھی وینٹی لیٹرز اور آکسیجن بیڈز پر گنجائش ختم ہونے لگی، 64 فیصد وینٹی لیٹرز مریضوں کے زیراستعمال ہیں گزشتہ 24 گھنٹوں کے دوران ملک بھر میں مزید 4 ہزار 084 مثبت کیسز رپورٹ ہوئے ہیں۔ اس طرح پاکستان میں کورونا کے مصدقہ مریضوں کی تعداد 6 لاکھ 63 ہزار 200 ہوگئی ہے۔سرکاری اعداد و شمار کے مطابق اب تک سندھ میں 2 لاکھ65 ہزار 158 ، پنجاب میں 2 لاکھ 17 ہزار 694، خیبر پختونخوا میں 86 ہزار 044، اسلام آباد میں 57 ہزار 204، بلوچستان میں 19 ہزار 535، آزاد کشمیر میں 12 ہزار 549 اور گلگت بلتستان میں 5 ہزار 016 افراد میں کورونا وائرس کی تشخیص ہوئی ہے۔سرکاری اعداد و شمار کے مطابق اس وقت ملک بھر میں کورونا کے فعال مریضوں کی تعداد48 ہزار 566 ہے۔ جب کہ 3 ہزار سے زائد مریضوں کی حالت تشویشناک ہے۔گزشتہ 24 گھنٹوں کے دوران ملک بھر میں کورونا سے مزید 100 افراد جاں بحق ہوگئے ہیں جس کے بعد اب اس وبا سے جاں بحق ہونے والے افراد کی تعداد مجموعی طور پر 14 ہزار 356 ہوگئی ہے۔ اس سے قبل گزشتہ برس 11 جون کو تقریباً 9 ماہ پہلے ایک دن میں 101 اموات ریکارڈ ہوئی تھیں۔این سی او سی کے مطابق کورونا سے ایک دن میں 2 ہزار 081 مریض صحت یاب ہوئے جس کے بعد صحت یاب ہونے والے مریضوں کی تعداد 6 لاکھ 278 ہوگئی ہے۔
FBR REPORT
فیڈرل بورڈ آف ریونیو نے ٹیکس ادا کرنیوالے افراد کی پروفائل اپ ڈیٹ کرنے کی تاریخ میں 30 جون 2021ء تک توسیع کردی۔ پروفائل اپ ڈیٹ کرنے کیلئے 31 مارچ 2021ء تک کی مہلت دی گئی تھی ایف بی آر کی جانب سے جاری ایک اعلامیے میں بتایا گیا ہے کہ ٹیکس دہندگان کو انکم ٹیکس آرڈیننس 2021ء کے سیکشن 114 اے کے تحت اپنی پروفائل اپ ڈیٹ کرنی ہوگی۔
اس سے قبل ٹیکس دہندگان کو اپنی پروفائل اپ ڈیٹ کرنے کیلئے 31 مارچ 2021ء تک کی مہلت دی گئی تھی۔
رواں ماہ کے آغاز میں فیڈرل بورڈ آف ریونیو نے بتایا تھا کہ ملک بھر میں 21 لاکھ افراد کو ٹیکس نوٹس جاری کئے گئے ہیں۔
اس میں وہ تمام افراد شامل تھے جو 8 دسمبر 2020ء کی ڈیڈ لائن تک اپنے ٹیکس ریٹرنز جمع نہیں کراسکے، ٹیکس حکام کو غلط معلومات فراہم کرنے والے اور اپنی آمدن چھپانے والے شامل ہیں۔ایف بی آر حکام کا کہنا ہے کہ نوٹسز پر مناسب جواب اور عملدرآمد نہ ہونے پر ان لوگوں کو سزائیں دی جائیں گی
HAFEEZ SHAIKH SACKED
عمران خان نے حفیظ شیخ کو وفاقی وزیر خزانہ کا عہدہ چھوڑنے کی ہدایت کردی ۔۔ سینیٹ الیکشن میں ہار اور عوام کو مہنگائی سے نجات نہ دلانے پر حفیظ شیخ کو نکالا گیا، حکومت نے وفاقی وزیر خزانہ عبدالحفیظ شیخ کو عہدے سے ہٹاکر حماد اظہر کو وزارت خزانہ کا اضافی قلمدان دے دیا۔عمران خان نے شب برات پر حفیظ شیخ کی چھٹی کردی ۔۔حفیظ شیخ کو وفاقی وزیر خزانہ کا عہدہ چھوڑنے کی ہدایت کردی گئی ۔لیکن ایسا کیوں ہوا ۔آئینی ماہرین کہتے ہیں ۔۔ آرٹیکل اکیانوے کی شق نو کے تحت کوئی بھی غیر منتخب شخص چھ ماہ سے زیادہ وفاقی وزیر کے عہدے پر کام نہیں کرسکتا۔وزیر اعظم عمران خان نے ۔حفیظ شیخ کو گزشتہ سال دس دسمبر کو وفاقی وزیر خزانہ کے عہدے پر تعینات کیا تھا ۔جس کے بعد انہیں سینیٹ انتخابات میں پی ٹی آئی کی طرف سے جتوانے کی کوشش بھی کی گئی ۔لیکن حفیظ شیخ الیکشن ہار گئےوزیراعظم عمران خان نے حفیظ شیخ کو وزیر خزانہ کا عہدہ چھوڑنےکی ہدایت کی اور حفیظ شیخ آج اپنے دفتر بھی نہیں آئے ۔معاشی پالیسیوں اور اسٹیٹ بینک کی خود مختاری کے حوالے سے کابینہ میں تحفظات پائے جاتے تھے۔ عبدالحفیظ شیخ اب وزیرخزانہ نہیں رہے، و زیراعظم عمران خان نے نئی ٹیم لانے کا فیصلہ کیا ہے اور انہوں نے فنانس کی نئی ٹیم تشکیل دی ہے۔شبلی فرازکا کہنا تھا کہ ملکی حقائق کو مدنظر رکھ کرفیصلے کیے جاتے ہیں،حماد اظہر اب فنانس ٹیم کی سربراہی کریں گے، غریب لوگوں کو ریلیف دینا ہے، جب کوئی نیا بندا آتا ہے تو نئی سوچ کے ساتھ آتا ہے۔عمران خان نے حفیظ شیخ کو وفاقی وزیر خزانہ کا عہدہ چھوڑنے کی ہدایت کردی حماد اظہر ممکنہ طور پر نئے وفاقی وزیر خزانہ ہوں گے غیر منتخب نمائندہ وفاقی وزیر کے طور پر 6ماہ سے زیادہ عہدے پر کام نہیں کرسکتا حفیظ شیخ کو گزشتہ سال 10دسمبر کو وفاقی وزیر خزانہ کے عہدے پر تعینات کیا گیا تھا
حفیظ شیخ کو سینیٹ انتخابات میں پی ٹی آئی کے ٹکٹ پر جتوانے کی کوشش بھی کی گئی ،لیکن حفیظ شیخ الیکشن ہار گئے
عاشی پالیسیوں اور اسٹیٹ بینک کی خود مختاری کے حوالے سے کابینہ میں تحفظات بھی حفیظ شیخ کی رخصتی کا سبب بنے
حماد اظہر کو وفاقی وزیر خزانہ بنائے جانے کا قوی امکان ہے
HARMFUL FOOD
ایک تحقیق کے مطابق خوراک کو محفوظ بنانے کے لیے استعمال ہونے والے کیمیائی اجزا انسانی مدافعتی نظام کو نقصان پہنچاتے ہیں۔
تحقیق میں بتایا گیا کہ کھانے پینے کی وہ اشیا جنھیں طویل عرصے تک شیلف میں رکھنے اور محفوظ بنانے کے لیے جو طریقہ کار استعمال کیا جاتا ہے وہ مدافعتی نظام کو نقصان پہنچاتا ہے اور ویکسین کے اثرات کو غیر موثر کرتا ہے۔جبکہ اس تحقیق کے ماہرین نے کورونا وائرس کی شدت اور خون میں موجود خوراک کو محفوط بنانے والے کیمیائی اجزا کی بلند سطح کے درمیان تعلق کا بھی پتہ چلایا۔انوائرمینٹل ورکنگ گروپ کی تحقیق جسکا کے دیگر ماہرین نے بھی جائزہ لیا انکا کہنا ہے کہ مشہور پروسیسڈ فوڈز کی شیلف لائف (شیلف میں محفوظ رکھنے کی مدت) کو بڑھانے کے لیے استعمال ہونے والی کیمیائی اجزا مدافعتی نظام کو سخت نقصان پہنچاتا ہے۔یہ تحقیق اس ہفتے کے انٹرنیشنل جرنل آف انوائرمینٹل ریسرچ اینڈ پبلک ہیلتھ میں شائع ہوئی ہے۔ انوائرمینٹل ورکنگ گروپ کے محققین نے اس مقصد کے لیے انوائرمینٹل پروٹیکشن ایجنسی کے ٹاکسیکٹی فار کاسٹر یا ٹاکس کاسٹ کے ڈیٹا کو استعمال کیا، تاکہ خوراک کو محفوظ کرنے کے لیے عام طور پر استعمال ہونے والی کیمیکل اور فوڈ پیکیجنگ میں استعمال ہونے والی ان اشیا کے صحت پر پڑنے والے مضر اثرات کا جائزہ لیا جاسکے۔اس تجزیہ میں انیمل اور نان انیمل ٹیسٹ میں یہ بات سامنے آئی کہ یہ کیمیکلز مدافعتی نظام کو نقصان پہنچاتے ہیں اور اور تحقیق کے نتائج بالخصوص کورونا وبا کے دوران باعث تشویش ہیں۔خوراک محفوظ بنانے والے کیمیکلز مدافعتی نظام کے لیے انتہائی نقصاندہ ہیں، تحقیق
DO YOU LIKE THE THEME?
SHARE WITH YOUR FRIENDS!
Will be used in accordance with our Privacy Policy
