PSL 6

پاکستان سپر لیگ سکس کے بقیہ میچز ابوظّہبی میں کھیلے جائیں گے۔یو اے ای حکومت سے تحریری اجازت پیر تک ملنے کاامکان ہے
پی ایس ایل سکس کے بقیہ میچز ابوظہبی میں کھیلےجائیں گے۔ذرائع نے دعویٰ کیاہےکہ تمام ٹیموں کے کھلاڑی 18 اور 19 مئی کو کراچی اور لاہور میں کرونا ٹیسٹ کرائیں گے۔بیس مئی کو کراچی کنگز اور کوئٹہ گلیڈی ایٹرز کی ٹیمیں کراچی کے ہوٹل میں قیام کریں گی جبکہ پشاور زلمی، لاہور قلندرز، ملتان سلطانز اور اسلام آباد یونائیٹڈ کی ٹیمیں لاہور کے ہوٹل میں ٹھہریں گی۔ذرائع کا یہ بھی کہنا ہے کہ 22 مئی کو تمام ٹیمیں 2 چارٹر طیاروں سے ابوظبی روانہ ہوں گی، کراچی اور کوئٹہ کی ٹیمیں کراچی جبکہ پشاور، لاہور، ملتان اور اسلام آباد کی ٹیمیں لاہور سے روانہ ہوں گی۔تمام ٹیموں کو ابوظہبی پہنچنے پر 7 دن قرنطینہ کرنا ہوگا، یو اے ای نے قرنطینہ 10 روز کا کردیا تو ٹورنامنٹ میں دو دن کی تاخیر ہوسکتی ہے۔

کرکیٹ ٹیم بیک

قومی کرکٹ ٹیم زمبابوے کے کامیاب دورے کے بعد وطن روانہ ہوگئی کرکٹ ٹیم ہرارےسے خصوصی طیارے کےذریعے وطن روانہ ہوئی ، ٹیم صبح دس بجے لاہور ایئرپورٹ پہنچے گی۔ لاہورسےکھلاڑی مختلف فلائٹس سےاپنےشہروں کوروانہ ہوں گے۔۔

بابر ازم

قومی کرکٹ ٹیم کے کپتان بابراعظم نے ایک اور اعزاز اپنے نام کرلیا۔۔ بابر اعظم ابتدائی چاروں ٹیسٹ جیتنے والے پہلے پاکستانی کپتان بن گئے۔بابر اعظم کی کپتانی میں قومی ٹیم نےدو میچزکی ہوم ٹیسٹ سیریز میں جنوبی افریقہ کو ہرایا۔۔ زمبابوے کو بھی دومیچز کی سیریز میں آؤٹ کلاس کردیا۔۔۔ قومی ٹیم بابراعظم کی قیادت میں لگاتار چھ سیریز جیتنےکاکارنامہ بھی انجام دے چکی ہے۔۔ پاکستان انیس سو باون سے لے کر اب تک صرف چھ مرتبہ لگاتار چھ یا اس سے زائد سیریز جیتا ہے۔

کھیل

ٹیسٹ وکٹ کیپر کامران اکمل نے ٹوئنٹی 20 ورلڈ کپ کے لیے موجودہ کمبی نیشن پر عدم اعتماد ظاہر کردیا، انھوں نے عمر اکمل، محمد عامر، شعیب ملک اور وہاب ریاض کی ٹیم میں شمولیت کو ضروری قرار دے دیا پاکستان کرکٹ کی سب سے بڑی ویب سائٹ www.cricketpakistan.com.pk کو خصوصی انٹرویو میں کامران اکمل نے کہا کہ مڈل آرڈر کے شعبے میں پاکستانی ٹیم کو مسائل کا سامنا ہے،نوجوان کرکٹرز کو موقع دیا لیکن متواترتجربات پکے باوجود کچھ حاصل نہیں ہوسکا،اب بھی وقت ہے ہوش کے ناخن لیتے ہوئے درست سلیکشن کی جائے۔انھوں نے محمد رضوان کو نمبر ون وکٹ کیپر قرار دیتے ہوئے کہاکہ وہ اس وقت زبردست فارم میں ہے، انھیں ون ڈے میں بطور اوپنر موقع دینا چاہیے،چوتھی پوزیشن رضوان کے لیے موزوں نہیں، اگر آپ کے پاس 3،2 اچھے کھلاڑی ہیں تو تین وکٹ کیپرز کو بھی ایک ساتھ موقع دینے میں کوئی حرج نہیں،اگر ہم دیگر ٹیموں میں دیکھے تو وہاں بھی بہت سی مثالیں موجود ہیں، اصل بات درست کمبی نیشن بناناہے، اس میں رضوان اگر بطور بیٹسمین اور سرفراز وکٹ کیپر کھیلتے ہیں تو ایسا ضرور کرنا چاہیے۔کامران اکمل نے کہا کہ بابراعظم کی کارکردگی میں ہر میچ کے ساتھ بہتری آ رہی ہے،بطور کپتان انھیں اپنے فیصلوں کو مزید بہتر بنانے کی ضرورت ہے،خاص طورپر سلیکشن پالیسی کو ٹھیک کرنا ہوگا، انضمام الحق اور یونس خان بطور کپتان خاصے سخت تھے، بابر کو بھی میرٹ پرٹیم بنانے کے لیے اسٹینڈ لینا ہوگا۔
کامران اکمل نے کہا کہ میں پی ایس ایل کی تیاریوں میں مصروف ہوں، پشاور زلمی کی ٹیم میں نئے چہرے شامل ہوئے ہیں، کوشش ہوگی کہ اگر پی ایس ایل ہوئی تو اچھا پرفارم کریں،انھوں نے واضح کیا کہ میں اپنی کرکٹ جاری رکھے ہوئے ہوں،جب تک فٹنس اور فارم ہے کھیلتے رہوں گا،قومی ٹیم میں انتخاب ہوگا یا نہیں اس بارے میں سلیکٹرز ہی بہتر جانتے ہیں۔

PSL 6

پی ایس ایل کی میزبانی کے حوالے سے بورڈ اور فرنچائزز کا اہم اجلاس آج ہوگا جب کہ ایونٹ یو اے ای منتقل کرنے کا سفر تیز ہونے لگا۔

VO REC

کراچی میں پی ایس ایل6 کو 14 میچز کے بعد بڑھتے ہوئے کورونا کیسز کی وجہ سے روک دیا گیا تھا، بقیہ مقابلوں کا یکم جون سے کراچی میں انعقاد کا اعلان کیا گیا مگر  فرنچائزز نے بورڈ سے ایونٹ یو اے ای منتقل کرنے کی درخواست کر دی۔

گزشتہ دنوں مشترکہ طور پر خط بھی تحریر کیا گیا جس کے جواب میں حکام نے غور کرنے کی یقین دہانی کرائی تھی،این سی او سی کی جانب سے ایونٹ منتقل کرنے کے گرین سگنل پر پی سی بی نے ایونٹ کی یو اے ای منتقلی کے اقدامات شروع کر دیے ہیں۔

امارات کرکٹ بورڈ سے رسمی رابطہ بھی کرلیا گیا، اب جمعے کو فرنچائز اونرز سے ورچوئل میٹنگ میں معاملات پر مزید غور کیا جائے گا،اگر جون میں میچز کا انعقاد نہ ہو سکا تو بورڈ کو اگلی ونڈو کی تلاش میں خاصی مشکل ہو گی۔

اعلان شدہ تاریخوں یکم سے 20 جون تک ہی ایونٹ کو مکمل کر لیا جائے، فرنچائزز کو حکام اضافی اخراجات سے آگاہ کریں گے، بورڈ کو گراؤنڈ کے کرایے سمیت بھاری رقم خرچ کرنا ہوگی۔

فرنچائزز نے خود ہی تجویز دی اس لیے ان کی جانب سے اضافی اخراجات پر اعتراض کا امکان کم ہی ہے، معاہدوں کے تحت جب تک لیگ مکمل نہیں ہوتی پی سی بی کو اسپانسر شپ اور میڈیا رائٹس کی بھاری رقم نہیں ملے گی، اس مالی نقصان سے بچنے کے لیے پی ایس ایل کو جلد از جلد مکمل کرنے کی کوششیں جاری ہیں۔

PSL 6

پی ایس ایل6 کی یو اے ای منتقلی پرمسائل کے انبار پی سی بی کے منتظرہوں گے۔کراچی میں پی ایس ایل6 کو 14 میچز کے بعد بڑھتے ہوئے کورونا کیسز کی وجہ سے روک دیا گیا تھا، پی سی بی نے یکم جون سے شہرقائد میں ہی بقیہ میچز کرانے کا اعلان کیا ہے، عدم دستیاب کھلاڑیوں کے ری پلیسمنٹ ڈرافٹ بھی ہو گئے، البتہ اب ایونٹ کو متحدہ عرب امارات منتقل کرنے کی تجویز سامنے آئی ہے۔چند روز قبل تمام 6 فرنچائزز نے مشترکہ طور پر پی سی بی کو خط لکھ کر مجوزہ فنانشل ماڈل کے حوالے سے مزید بات چیت کا کہا تھا، ساتھ ہی یہ بھی لکھا تھا کہ کورونا کی وجہ سے سندھ کی صوبائی حکومت ویسے ہی دباؤ کا شکار ہے، لہذا میچز کو کراچی سے یو اے ای منتقل کر دینا چاہیے،پانچویں ایڈیشن کے وقت بھی ایسی ہی تجویز دی گئی تھی جسے مسترد کر دیا گیا تھا۔
منگل کے روز بورڈ نے فرنچائزز کو خط لکھ کر ہفتے یا اتوار کو معاملے پر مزید بات چیت کے لیے ورچوئل میٹنگ میں شرکت کی دعوت دی ہے۔ذرائع کے مطابق گذشتہ روز این سی او سی حکام نے میچز پاکستان سے منتقل کرنے کی تجویز سیاتفاق کر لیا، ٹی وی کریو کو بھی امارات میں میچز کے لیے تیار رہنے کا کہہ دیا گیا ہے،حتمی فیصلے کی صورت میں اسکواڈز کو چارٹرڈ فلائٹ پر لے جایا جائے گا۔
پی ایس ایل کے حوالے سے پی سی بی نے تاحال اماراتی کرکٹ حکام سے کوئی رابطہ نہیں کیا ہے،میچز منتقل کرنے سے اخراجات میں خاصا اضافہ ہو جائے گا، یو اے ای میں پاکستانی شہریوں کے داخلے پر پابندی ہے، ویزے کے حصول میں بھی مشکل ہو گی،رواں برس افغان ٹیم کو اسی وجہ سے اپنے کئی اسٹار کرکٹرز کے بغیر آئرلینڈ سے سیریز کھیلنا پڑی تھی۔
قومی ٹیم کو پی ایس ایل کے فورا بعد انگلینڈ بھی جانا ہے اس لئے شیڈول میں بڑی تبدیلی کرنا ممکن نہ ہوگا،پی سی بی کو اسٹیڈیم کے کرائے کی مد میں ہی کئی کروڑ روپے دینا ہوں گے، ماضی میں یو اے ای میں میچز کی صورت میں ٹکٹوں کی ریونیو شیئرنگ کا معاہدہ تھا مگر اب بغیر شائقین کے میچز میں یہ بھی نہیں ہو سکے گا۔

ہاکی پلیئرز ویکسنین

جونیئر ایشیا کپ سے قبل ہاکی کھلاڑیوں کو کرونا ویکسین لگائے جانے کا عمل شروع ہوگیا،عبدالستار ہاکی اسٹیڈیم کراچی میں جاری کیمپ میں کھلاڑیوں کو کرونا ویکسین کی پہلی ڈوزلگا دی گئی ایشیا کپ کے لیے جونیئر ٹیم کا کیمپ کراچی میں جاری ہے، قومی جونیئر ہاکی ٹیم کے کھلاڑیوں اور کوچنگ اسٹاف کو کرونا کی پہلی ڈوز لگ گئی۔ کیمپ میں 27 کھلاڑی اور سات آفیشلز سمیت مجموعی طور پر 70 افراد کو ویکسین لگوائی گئی ڈاکٹر فرحت عباس کے مطابق کھلاڑیوں اورآفیشلزکو سینا فارم ویکسین لگائی گئی،اگلی ڈوز اکیس روزبعد لگائی جائے گی
کوآرڈینیٹر حیدر حسین کے مطابق ویکسینیشن صدر پی ایچ ایف برگیڈئیر سجاد کھوکر کی ہدایت پرکی گئی

شاہد آفریدی

قومی ٹیم کے سابق کپتان شاہد آفریدی کو ایم سی سی نے لائف ٹائم ممبر شپ کے اعزاز سے نواز دیا۔میلبورن کرکٹ کلب کی جانب سے قومی ٹیم کے سابق اسٹار آل راؤنڈر شاہد آفریدی کو کرکٹ میں بے پناہ خدمات پر تاحیات ممبرشپ دے دی۔قومی ٹیم کے سابق کپتان شاہد آفریدی کو ایم سی سی نے لائف ٹائم ممبر شپ کے اعزاز سے نواز دیا۔سماجی رابطے کی ویب سائٹ پر ٹوئٹ کرتے ہوئے شاہد آفریدی نے اس اعزاز پر ردعمل دیتے ہوئے کہا ’’میرے لیے یہ بہت بڑے اعزاز کی بات ہے کہ دنیائے کرکٹ کے سب سے بڑے کلب نے مجھے عزت بخشی، میں اس اعزاز پر ایم سی سی کا مشکور ہوں جب کہ کرکٹ کو آن دی فیلڈ اور آف دی فیلڈ پروموٹ اور سپورٹ کرنے کی اپنی کوششیں جاری رکھوں گا۔اس سے قبل میلبورن کرکٹ کلب کی جانب سے قومی ٹیم کے 22 کھلاڑیوں کو ممبرشپ دی جاچکی ہے جن میں عمران خان، وسیم اکرم، وقار یونس، جاوید میانداد، رمیزراجہ اور مصباح الحق سمیت دیگر کھلاڑی شامل ہیں

ہسان علی فواد خان بابر ازم

حسن علی اور فواد عالم کے عمدہ کھیل پر کپتان بابر اعظم خوشی سے سرشار ہیں۔ ہرارے ٹیسٹ کی جیت سے کھلاڑیوں کے اعتماد میں اضافہ ہوا ہے،اگلے میچ میں بھی کامیابی سے سیریز اپنے نام کرنے کی کوشش کریں گے۔زمبابوے کے خلاف پہلے ٹیسٹ میں اننگز کی فتح کے بعد کپتان بابر اعظم نے کہاکہ پہلے سیشن میں بولرز نے اچھی بولنگ کی، پہلی اننگز میں زمبابوے کو جلد آؤٹ کرنا اچھا ثابت ہوا، حسن علی نے بہترین بولنگ کی،فواد عالم نے غیرمعمولی پرفارمنس سے اچھا اختتام کیا، اب ہم چند دن آرام کے بعد پچ کو دیکھ کر اگلے میچ کے لیے کمبی نیشن تشکیل دیں گے۔دوسری جانب مین آف دی میچ حسن علی نے میچ کے بعد ورچوئل میڈیا کانفرنس میں کہا کہ جس کھلاڑی کو طویل طرز کی کرکٹ کھیلنی ہے تو اسے فرسٹ کلاس میچز میں حصہ لینا ہوگا، طویل فارمیٹ کی کرکٹ آپ کو مضبوط بناتی اور ایک اچھا کھلاڑی بننے میں مدد دیتی ہے،جب میرا نام قائد اعظم ٹرافی کے لیے آیا تو کوچز شاہدانور اور سمیع نیازی سے بات کی کہ قومی ٹیم میں واپس آنا ہے، انھوں نے بہت سپورٹ کیا، پہلی بار لگاتار9 فرسٹ کلاس میچز کھیلے،چار روزہ کرکٹ نے فٹنس، ردھم اور اعتماد سب کچھ دیا، یہی وجہ ہے کہ کارکردگی کاگراف بلند سے بلند ہورہا ہے۔
انھوں نے کہا کہ ہرارے ٹیسٹ کی جیت سے کھلاڑیوں کے اعتماد میں اضافہ ہوا ہے،اگلے میچ میں بھی کامیابی سے سیریز اپنے نام کرنے کی کوشش کریں گے۔
ایک سوال پر حسن علی نے کہا کہ جشن کے اندازسے انجری نہیں ہوتی بلکہ انرجی ملتی ہے،پرستار بھی اس انداز کو پسند کرتے ہیں۔

شاہین شاہ آفریدی

شاہین شاہ آفریدی نے وسیم اکرم کے برابر16 ٹیسٹ میں 50شکارمکمل کر لیے۔ ہرارے ٹیسٹ میں انھوں نے ٹینڈائی چسورو کو آؤٹ کرکے یہ سنگ میل عبور کرلیا گزشتہ روز ہرارے ٹیسٹ میں انھوں نے ٹینڈائی چسورو کو آؤٹ کرکے یہ سنگ میل عبور کرلیا،وکٹوں کی ففٹی مکمل ہونے کے وقت شاہین شاہ آفریدی کی طرح وسیم اکرم کی عمر بھی 21سال تھی۔
یاد رہے کہ تیز ترین 50وکٹوں کا پاکستانی ریکارڈ یاسر شاہ کے نام ہے،لیگ اسپنر نے صرف 9ویں ٹیسٹ میں یہ ہدف عبور کرلیا تھا، عالمی ریکارڈ ہولڈر آسٹریلوی بولرچارلس ٹرنرنے صرف 6ٹیسٹ میں ہی 50وکٹیں مکمل کرلی تھیں