پاکستان کرکٹ بورڈ نے سینٹرل کنٹریکٹ برائے2021-22 کا اعلان کردیا نئے کنٹریکٹ میں کئی کھلاڑیوں کو نکال دیا گیا اور کچھ کی تنزلی بھی ہوئی ہے۔

بابراعظم، حسن علی، محمد رضوان اور شاہین شاہ آفریدی کو کٹیگری اے میں شامل کیا گیا ہے۔ اظہر علی، فہیم اشرف، فخر زمان، فواد عالم، شاداب خان اور یاسر شاہ کیٹیگری بی میں شامل ہیں۔عابد علی، امام الحق، حارث رؤف، محمد حسنین، محمد نواز، نعمان علی اور سرفراز احمد کو کیٹیگری سی میں شامل کیا گیا ہے۔عمران بٹ ، شاہنواز دھانی اور عثمان قادر ایمرجنگ کیٹیگری میں جگہ بنانے میں کامیاب ہوگئے ہیں۔ اسد شفیق، شان مسعود، محمد عباس سنٹرل کنٹریکٹ سے محروم رہ گئے ہیں۔حارث سہیل، افتخار احمد، عماد وسیم، عثمان شنواری کو بھی سنٹرل کنٹریکٹ نہ ملا۔  نسیم شاہ، حیدر علی بھی سنٹرل کنٹریکٹ سے محروم رہ گئے ہیں۔سابق کپتان اظہر علی کی اے سے بی کٹیگیری میں تنزلی۔ سابق کپتان سرفراز احمد بی سے سی کٹیگیری میں آگئے۔  فواد عالم کی سی سے بی کٹیگیری میں ترقی ہوئی ہے۔قومی کرکٹر کے ماہانہ معاوضے میں پچیس25 فیصد اضافہ کر دیا گیا ہے۔

پاکستان کرکٹ اسکواڈ میں کم بیک کرنے والے کرکٹر صہیب مقصود کا کہنا ہے جس نمبر پر بھی مجھے کھلائیں میں قومی ٹیم میں کھیلنے کے لیے تیار ہوں

ان کا کہنا تھا کہ ساڑھے 5 برس بعد واپسی کا موقع ملا اس سے ضرور فائدہ اٹھاؤں گا۔

ڈربی سے ورچوئل پریس کانفرنس کے دوران صہیب مقصود نے کہا کہ ڈومیسٹک کرکٹ میں بے خوف ہو کر کرکٹ کھیلی اب بھی ایسی ہی کوشش کروں گا۔

صہیب مقصود نے کہا کہ ٹیم میں جو پرفارم کررہے ہیں پہلے ان کا کھیلنے کا حق ہے، میں پی ایس ایل میں نیچے نمبرز پر بھی کھیلتا رہا ہوں،مجھے جس نمبر بھی کھلایا گیا قومی ٹیم کے لئے کھیلوں گا۔

انہوں نے کہا کہ ساڑھے 5 برس بعد واپسی کا موقع ملا اس سے ضرور فائدہ اٹھاؤں گا۔

قومی ٹیم میں کسی بھی نمبر پر کھیلنے کیلئے تیار ہوں، صہیب مقصود

ساڑھے 5 برس بعد واپسی کا موقع ملا اس سے ضرور فائدہ اٹھاؤں گا

ٹوکیو اولمپکس میں پاکستان کی نمائندگی کرنے والے ویٹ لفٹر طلحہ طالب کا کہنا ہے کہ 46 برس کے بعد اولمپکس کے ویٹ لفٹنگ ایونٹ میں پاکستان کی نمائندگی کروں گا، خوشی ہے کہ میں اب اولمپین کہلاؤں گا۔

طلحہ طالب پاکستان کے ٹاپ ویٹ لفٹر ہیں، انہیں انویٹیشن پلیس پر ٹوکیو اولمپکس میں پاکستان کی نمائندگی کا موقع مل رہا ہے، وہ ویٹ لفٹنگ کی 67 کلو گرام کلاس میں مقابلہ کریں گے۔

طلحہ طالب نے کامن ویلتھ گیمز میں برانز، ساؤتھ ایشین گیمز میں گولڈ، انٹرنیشنل سالیڈیریٹی ویٹ لفٹنگ چیمپئن شپ میں گولڈ میڈل جیتا اور حال ہی میں ایشین ویٹ لفٹنگ چیمپئین شپ میں برانز میڈل بھی جیتا۔

جیو نیوز سے گفتگو کرتے ہوئے طلحہ طالب نے کہا کہ مجھے خوشی ہے کہ اولمپکس میں پاکستان کی نمائندگی کا موقع مل رہا ہے، میں 45 برسوں کے بعد اولمپکس کے ویٹ لفٹنگ مقابلوں میں پاکستان کی نمائندگی کر رہا ہوں، ارشد ملک نے 1976 کے اولمپکس میں پاکستان کی نمائندگی کی تھی، میں نے بہت تیاری کی ہوئی ہے، میں میڈل کے لیے فائٹ کروں گا۔

ٹیسٹ چیمپئن شپ کے دوسرے ایڈیشن میں پاکستان 14 میچز

ٹیسٹ چیمپئن شپ کے دوسرے ایڈیشن میں پاکستان 14 میچز میں قسمت آزمائے گا جب کہ سب سے زیادہ انگلینڈ اور دوسرے نمبر پر بھارت کے میچز ہیں۔ دوسرے ایڈیشن میں بھی ہر ٹیم 6 سیریز کھیلے گی،3 ہوم اور اتنی ہی اوے کی بنیاد پر ہوں گی، فائنل کے شیڈول اور وینیو کا ابھی فیصلہ نہیں کیا گیا۔

آئی سی سی ٹیسٹ چیمپئن شپ کے دوسرے ایڈیشن کا آغاز انگلینڈ اور بھارت کے درمیان 4 اگست سے شروع ہونے والی 5 میچز کی سیریز سے ہوگا،گذشتہ ایڈیشن کی طرح اس بار بھی 3 سے زائد میچز کی سیریز صرف بگ تھری انگلینڈ، آسٹریلیا اور بھارت کھیلیں گے، باقی ممالک صرف 2 یا 3 ٹیسٹ میچز کی سیریزمیں حصہ لیں گے۔

بنگلادیش واحد ملک ہے جوصرف 2،2 میچز کی سیریز کھیلے گا، اگلے دورانیے میں سب سے زیادہ 21 میچزانگلینڈ کے ہوں گے، اس کے بعد بھارت 19، آسٹریلیا 18 اور جنوبی افریقہ 15 میچز کھیلے گا۔

پاکستان کو اگست 2021 سے جون 2023 کے دورانیہ میں 14 ٹیسٹ میچز کھیلنے کو ملیں گے، نیوزی لینڈ، سری لنکا اور ویسٹ انڈیز 13، 13 میچز کھیلیں گے، بنگلادیش 12 ٹیسٹ میں حصہ لے گا۔

اس بار سیریز کے بجائے ہر ٹیسٹ کی فتح پر 12 پوائنٹس ملیں گے، ڈرا پر 4 جبکہ ٹائی میچ پر 6 پوائنٹس فی ٹیم دیے جائیں گے، سلو اوور ریٹ پر پنالٹی بھی ہوگی، مقررہ وقت سے ایک اوور پیچھے رہنے کی صورت میں ایک پوائنٹ کاٹ لیا جائے گا۔

دوسرے ایڈیشن میں بھی ہر ٹیم 6 سیریز کھیلے گی،3 ہوم اور اتنی ہی اوے کی بنیاد پر ہوں گی، فائنل کے شیڈول اور وینیو کا ابھی فیصلہ نہیں کیا گیا۔

پچاس اوورز کا اگلا کرکٹ ورلڈکپ 2023 میں شیڈول ہے

آئندہ ہونا والا پچاس اوورز کا ورلڈکپ 2003 میں ہونے والے عالمی کپ کے فارمیٹ کے طرز پر ہوگا۔ پچاس اوورز کا اگلا کرکٹ ورلڈکپ 2023 میں شیڈول ہے جس میں ٹیموں کی تعداد بڑھنے سے سپر ‏سکس مرحلہ بھی دوبارہ سے شروع ہوجائے گا۔
برطانوی میڈیا کے مطابق 2023 میں شیڈول عالمی کپ میں ٹیموں کی تعداد کو دوبارہ سے بڑھا کر ‏‏14 تک کیے جانے کا امکان ہے۔
اس حوالے سے کرکٹ کے عالمی نگراں ادارے انٹرنیشنل کرکٹ کونسل آئی سی سی کی منگل کو ‏ہونے والی بورڈ میٹنگ میں فیصلہ متوقع ہے۔آئی سی سی نے 2019 میں ورلڈکپ 10 ٹیموں تک محدود کر دیا تھا اور کم ٹیموں پر آئی سی سی ‏کے ایسوسی ایٹ ممبران کو اعتراض تھا۔پچاس اوورز کا اگلا کرکٹ ورلڈکپ 2023 میں شیڈول ہے جس میں ٹیموں کی تعداد بڑھنے سے سپر ‏سکس مرحلہ بھی دوبارہ سے شروع ہوجائے گا۔سپر سکس فارمیٹ کے ساتھ میچز میں بھی اضافہ ہو جائے گا، 2019 کے عالمی کپ میں کلُ 48 ‏میچز ہوئے تھے جب کہ آئندہ ورلڈکپ میں یہ تعداد 54 تک بڑھ جائے گی۔

سرفراز سمیت 6 افراد براستہ بحرین ابوظہبی روانہ

ذرائع کے مطابق ابوظہبی روانہ ہونے والے 4کھلاڑی لاہور اور 2 کراچی کے ہیں۔پی ایس ایل سیزن 6 کے بقیہ میچز میں شرکت کیلئے ذیشان اشرف اور زید عالم سمیت لاہور سے4 کھلاڑی کراچی پہنچے جبکہ کراچی سے سرفراز احمد اور میڈیا منیجر عماد حمید ابوظہبی روانہ ہوئے۔
واضح رہے کہ گزشتہ روز بھی فلائٹ دستیاب نہ ہونے کے سبب سرفراز احمد کی رونگی میں ایک دن کی یاخیر کی گئی تھے۔ سرفراز سمیت 6 افراد براستہ بحرین ابوظہبی روانہ ابوظہبی روانہ ہونے والے 4کھلاڑی لاہور اور 2 کراچی کے ہیں, ذرائع

پاکستان کرکٹ ٹیم کے کپتان بابر اعظم نے قرنطینہ

بابر اعظم نے اپنے سوشل میڈیا اکاؤنٹس پر ایک کمرے میں ٹریننگ کرتے ہوئے اپنی ایک منٹ آٹھ سیکنڈ کی ویڈیو شیئر کی۔ جس میں کپتان ڈپس،رننگ اور دیگر ورزش کررہے ہیں۔

بابر اعظم کے اس ’روم ورک آؤٹ‘ کو دیکھ کر اندازہ لگایا جاسکتا ہے کہ وہ قرنطینہ کے دوران فالتو وقت میں بھی اپنی فٹنس پر بھرپور توجہ دیئے ہوئے ہیں۔

قومی کرکٹ ٹیم کے کپتان کی ویڈیو کو ان کے اکاؤنٹس پر ہزاروں لوگ دیکھ اور پسند کرچکے ہیں۔

تین دن قبل بھی بابر اعظم نے قرنطینہ سے اپنی سیلفی سوشل میڈیا پر شیئر کی تھی جسے ان کے مداحوں نے خوب پسند کیا تھا۔

کھیل

پاکستان کرکٹ ٹیم کے بیٹنگ کوچ یونس خان نے ہیڈ کوچ مصباح الحق کی سالگرہ پر ایک خوبصورت پیغام چند تصاویر کے ساتھ شیئر کیا ہے جسے مصباح الحق نے ایک یادگار وِش قرار دیا یونس خان نے مصابح الحق کو سالگرہ کی مبارکباد دیتے ہوئے لکھا کہ ’ہمیشہ ایک ساتھ مل کر انمول یادوں کو فروغ دیتے رہیں گے۔‘ انہوں نے کہا کہ فیلڈ کی شراکت داری سے لے کر ڈریسنگ روم کی حکمت عملی تک ، آپ کی حوصلہ افزائی اور موجودہ ٹیم کی ساتھ مدد کرنا بہترین یادیں ہیں۔یونس خان نے لکھا کہ آپ کے ساتھ مل کر کام کرنا ہمیشہ میرے لیے ایک خوشگوار یاد رہا ہے۔مصباح الحق نے ساتھی کی جانب سے اس خوبصورت سالگرہ کی مبارکباد دیتے ہوئے کہا کہ آپ کی وِش نے تو میرا دن بنادیا۔واضح رہے کہ قومی کرکٹ ٹیم کے ہیڈ کوچ مصباح الحق نے گزشتہ روز اپنی 47 ویں سالگرہ منائی۔

فاسٹ بولر نسیم شاہ

قومی کرکٹ ٹیم کے فاسٹ بولر نسیم شاہ نے پی ایس ایل سے باہر ہونے پر شدید دکھ کا اظہار کیا ہے۔ کرکٹر کا کہنا تھا کہ ‘میں گروپ کے تمام میسجز دیکھ کر ہدایات پوری کرتا ہوں، پتا نہیں یہ میسج کیوں نہیں دیکھ پایا، میں کرکٹ کھیلنا چاہتا ہوں، کرکٹ میری زندگی ہے اور میں بیان نہیں کر سکتا کہ کیسا محسوس کر رہا ہوں’۔پاکستان سپر لیگ (پی ایس ایل) میں کوئٹہ گلیڈی ایٹرز کی نمائندگی کرنے والے نسیم شاہ نے ٹوئٹر پر دل شکستہ پیغام شئیر کیا جس میں انہوں نے کہا ‘میں نے پی ایس ایل کیلئے بہت محنت کی، میں ایونٹ کیلئے بہت پرجوش تھا’۔
کرکٹر کا کہنا تھا کہ ‘میں گروپ کے تمام میسجز دیکھ کر ہدایات پوری کرتا ہوں، پتا نہیں یہ میسج کیوں نہیں دیکھ پایا، میں کرکٹ کھیلنا چاہتا ہوں، کرکٹ میری زندگی ہے اور میں بیان نہیں کر سکتا کہ کیسا محسوس کر رہا ہوں’۔
نسیم شاہ نے آخر میں کہا کہ ‘اللہ مجھے مضبوط بنائے گا اور میں واپس آؤں گا’۔

PSL 6

پاکستان کرکٹ بورڈ کو پی ایس ایل 6 کے بقیہ میچز ابوظہبی میں کروانے کی مکمل منظوری مل گئی۔ پی سی بی اور تمام فرنچائز مالکان کے درمیان آن لائن اجلاس کے بعد ایونٹ کے انعقاد سے متعلق انتظامات کو حتمی شکل دی جائے گی۔ابوظہبی میں پی ایس ایل 6 کے بقیہ میچز کے انعقاد کے سلسلے میں حائل تمام رکاوٹیں ختم ہوگئی ہیں، پی سی بی اور تمام فرنچائز مالکان کے درمیان آن لائن اجلاس کے بعد ایونٹ کے انعقاد سے متعلق انتظامات کو حتمی شکل دی جائے گی۔چیف ایگزیکٹو پی سی بی وسیم خان کےمطابق ہم اب ایونٹ کے انعقاد کے لیے مکمل طور پر تیار ہیں، ہم متحدہ عرب امارات کی حکومت، ان کی نیشنل ایمرجنسی کرائسز اینڈڈیزاسٹر منیجمنٹ اتھارٹی، ایمریٹس کرکٹ بورڈ اور ابوظہبی اسپورٹس کونسل کے مشکور ہیں،جون میں ایونٹ کے انعقاد کو یقینی بنانے کے لیے عید الفطر کی تعطیلات کے باوجود سخت محنت کرنے پر پی سی بی اسٹاف کا مشکور ہوں۔