Pakistan

مولانا فضل الرحمان نے ایک بار پھر حکومت کو تنقید کا نشانہ بنا دیا، ان کا کہنا تھا کہ موجودہ حکومت منتخب نہیں ہے طاقتور اداروں نے انتخابات پر قبضہ کیا اور ڈفلی والے کو ملک پر مسلط کردیا۔ اسلام آباد میں اپوزیشن جماعتوں کے اتحاد پی ڈی ایم کی جانب سے الیکشن کمیشن کے سامنے احتجاج کے دوران خطاب کرتے ہوئے مولانا فضل الرحمان نے کہا کہ پورا پاکستان اسلام آباد کی طرف لانگ مارچ کرے گا اور حکمرانوں کو بھاگنے کا موقع نہیں ملے گا۔ان کا کہنا تھا کہ عمران خان یہودی ایجنٹ ہیں، اسرائیل اور ہندستان کے فنڈز سے الیکشن لڑا ، ہندوستان اور اسرائیل پاکستان کے دشمن ہیں اور ان کے ایجنٹس کو وزیراعظم بنایا گیا ہے،دنیا نے دیکھا کہ مسجد کے ائمہ کو 10 ہزار دینے کی کوشش کی گئی تاہم علما نے انکار کیا۔ان کا کہنا تھا کہ اداروں نے پاکستان کو یہاں پہنچایا ہے پھر کہتے ہیں اداروں کے بارے میں بات نہ کریں۔ خواب دکھایا تھا ریاست مدینہ کا اور عوام جو اٹھی تو کوفہ کی ریاست تھی۔ یہود و ہنود عمران خان کو سہارا دے رہے ہیں۔مولانا فضل الرحمان نے ایک بار پھر حکومت کو تنقید کا نشانہ بنا دیا
طاقتور اداروں نے ڈفلی والے کو ملک پر مسلط کردیا، مو لانا فضل الرحمان

ملک بھر میں موسم سرد اور خشک برقرار، بالائی علاقوں میں خون جما دینے والی سردی کاراج، پنجاب اور سندھ کے کچھ شہروں میں صبح کے اوقات میں دھند چھائی رہی جس سے ٹریفک کی روانی متاثر ہوئی۔
ملک کےبالائی علاقوں میں موسم جزوی ابرآلود ہونے کی وجہ سے سردی کی شدت میں مزید اضافہ، آزادکشمیر میں مظفرآباد، باغ، وادی نیلم اور دیگر علاقوں میں بادل چھائے ہوئے ہیں۔گلگت بلتستان میں ہنزہ ،استور، غذر اور دیامر سمیت بیشترمقامات پر خون جما دینے والی سردی، بلوچستان اورخیبرپختونخوا کےبالائی علاقوں میں بھی موسم سردجبکہ پنجاب اورسندھ کےکئی شہروں میں صبح کی دھندسےٹریفک کی روانی متاثررہی۔محکمہ موسمیات کےمطابق آئندہ 24گھنٹوں کےدوران پنجاب کےمیدانی علاقوں اوربالائی سندھ میں دھند چھائے رہنے کا امکان ، کشمیر، گلگت بلتستان، بالائی خیبرپختونخوا اور بلوچستان میں موسم شدید سردجبکہ ملک کے دیگر علاقوں میں موسم سرد اور خشک رہنے کی توقع ہے۔

پاکستان ڈیموکریٹک موومنٹ کے احتجاجی مظاہرے کے بعد الیکشن کمیشن آف پاکستان کا مؤقف بھی سامنے آگیا ہے۔الیکشن کمیشن کا کہنا ہے کہ وہ اپنی زمہ داریوں سے با خوبی آگاہ ہے۔ تحریک انصاف کے فارن فنڈنگ کیس پر جلد فیصلے کے لیے پی ڈی ایم کے احتجاج پر رددِعمل دیتے ہوئے، ترجمان الیکشن کمیشن کا کہنا تھا کہ کمیشن اپنی آئینی اور قانونی ذمے داریوں سے پوری طرح آگاہ ہے۔ الیکشن کمیشن نے اسکروٹنی کمیٹی کو ہفتے میں کم ازکم تین روز اجلاس منعقد کرنے کی ہدایت کر رکھی ہے۔ان کا کہنا تھا کہ فارن فنڈنگ کیس کے حوالے سے الیکشن کمیشن نے کورونا وباء ،وکلاء کی مصروفیات اور اسکروٹنی کمیٹی کے ایک رکن کی ریٹائرمنٹ کے باوجود خاطر خواہ پیش رفت کی ہے۔الیکشن کمیشن بغیر کسی دباو کے اپنی ذمہ داریاں نبھانے کے لئے پرعزم ہے۔ تمام انتخابات کے آزادانہ ،منصفانہ اور شفاف انعقاد کو یقینی بنانے کے لئے ہر وقت تیار ہے۔ گزشتہ روز مسلم لیگی رہنما مریم اورنگزیب کا بیان سامنت آیا تھا جس میں ان کا کہنا تھا کہ الیکشن کمیشن فارن فنڈنگ کیس میں فیصلہ لکھنا شروع کر دے، عوام فیصلہ لینے آرہے ہیں پی ڈی ایم کے احتجاجی مظاہرے پر الیکشن کمیشن آف پاکستان کا مؤقف ہم اپنی زمہ داریوں سے با خوبی آگاہ ہیں، ترجمان الیکشن کمیشن

وفاقی وزیر علی امین گنڈاپور نے کہا ہے کہ 5 فروری کو پی ڈی ایم کی جانب سے مظاہروں کا اعلان اپنی کرپشن بچانے کا رونا رونا ہے۔
وفاقی وزیر امور کشمیر و گلگت بلتستان علی امین گنڈاپور نے پی ڈی ایم کے مظاہرے پر ردعمل دیتے ہوئے کہا ہے کہ پی ڈی ایم نے اپنی سیاسی زندگی کا آخری ہربہ بھی استعمال کر لیا ہے۔وفاقی وزیر نے کہا ہے کہ پاکستانی قوم ان کے جلسے ، لانگ مارچ اور استعفوں کے ڈرامے دیکھ چکی ہے اور اب اب پی ڈی ایم کے پاس ایکشن ری پلے کے سوا کچھ نہیں بچا ہے۔ان کا کہنا تھا کہبطور چیئرمین کشمیر کمیٹی مولانا فضل الرحمان کی ناقص کارکردگی قوم کے سامنے ہے کیونکہ مولانا فضل الرحمان یوم یکجتی کشمیر کو بھی اپنی کرپشن بچاؤ سیاست کی نظر کرنا چاہتے ہیں۔انہوں نے مزید کہا ہے کہ مولانا کشمیریوں کے حق میں مظاہرے کم اور اپنا رونا زیادہ رویں گے۔
وفاقی وزیرِ امور علی امین گنڈاپور کا پی ڈی ایم کے مظاہرے پر ردعمل
پی ڈی ایم نے اپنی سیاسی زندگی کا آخری ہربہ بھی استعمال کر لیا، علی امین گنڈاپور