International

نیشنل اسٹیڈیم کراچی میں 14سال بعد ٹیسٹ میچ کھیلا گیا جس میں پاکستان اور جنوبی افریقا کی ٹیمین دو ٹیسٹ میچوں کی سیریز کے پہلے میچ میں مدمقابل ہیں۔ ٹیسٹ سیریز کے پہلے میچ میں جنوبی افریقہ کی پوری ٹیم پاکستان کےخلاف 220رنز بنا کرآؤٹ ہوگئی۔
پاکستان اور جنوبی افریقا کے درمیان مقابلہ جاری ، پاکستان اور جنوبی افریقہ کے درمیان ٹیسٹ سیریز کے پہلے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا۔ قومی کرکٹ ٹیم کی قیادت بابر اعظم کر رہے ہیں۔میچ آج صبح دس بجے شروع ہوا، پہلی اننگز میں ڈین ایلگر 58 رنزکےساتھ نمایاں بلے باز رہے۔ جارج لائنڈ 35 اورکپتان کونٹن ڈی کوک 15 رنزبنا کرآؤٹ ہوئے۔ فف ڈوپلیسزنے اپنی ٹیم کے اسکور میں 23 رنزکا اضافہ کیا۔پاکستان کی طرف سے یاسرشاہ3، شاہین آفریدی اورنعمان نے 2،2 کھلاڑیوں کو آؤٹ کیا۔جواب میں پاکستان کی بیٹنگ جاری ہے ۔نیشنل اسٹیڈیم کراچی میں 14سال بعد ٹیسٹ میچ کھیلا گیا پاکستان اور جنوبی افریقا کے درمیان مقابلہ جاری جنوبی افریقہ کی ٹیم پاکستان کےخلاف 220رنز بنا کرآؤٹ ہوگئی

عامر خان کی اہلیہ فریال مخدوم کو صارفین نے نئی تصاویر پر شدید تنقید کا نشانہ بنایا ہے۔پاکستانی نژاد برطانوی باکسر عامر خان نے 2013 میں فریال مخدوم سے شادی کی۔فریال مخدوم اپنے میک اپ اور لباس کی وجہ سے کئی بار سوشل میڈیا پر تنقید کا نشانہ بن چکی ہیں۔مزید تفصیلات اس رپورٹ میں پاکستانی نژاد برطانوی باکسر عامر خان نے 2013 میں فریال مخدوم سے شادی کی جن سے ان کے 3 بچے (2 بیٹیاں اور بیٹا) ہے تاہم شادی کے 3 سال بعد فریال نے سسرالیوں پر تشدد کا الزام عائد کرتے ہوئے عامر خان اور ان کے گھر والوں پر متعدد الزام عائد کیے تھے جس سے میاں بیوی کے درمیان اختلافات عروج پر پہنچ گئے تھے اور طلاق کی نوبت آگئی تھی تاہم چند ماہ ناراضگی کے بعد خود فریال نے عامر سے معافی مانگ کر معاملہ ختم کردیا تھا۔
فریال مخدوم اپنے میک اپ اور لباس کی وجہ سے کئی بار سوشل میڈیا پر تنقید کا نشانہ بن چکی ہیں اور اب ایک بار پھر صارفین نے فوٹو شیئرنگ ایپ انسٹاگرام پر ان کی ایک تصویر پر بھرپور تنقید کی۔ کچھ صارفین نے تو ان شادی کے وقت کی تصاویر شیئر کرکے ابھی کی تصاویر سے موازنہ بھی کردیا۔فریال مخدوم نے اپنے انسٹاگرام اکاؤنٹ پر ایک تصویر شیئر کی جس پر صارفین نے انہیں تنقید کا نشانہ بنایا۔سمیا خان نے لکھا ”یہ تو مزید خوفناک ہوتی جارہی ہے“۔ عریشہ نے فریال مخدوم کی سرجری پر تنقید کرتے ہوئے کہا ”توبہ اتنا بڑا ہونٹ“۔ ایک اور صارف نے لکھا کہ میں نے آپ اپنی شادی کے وقت بہت اچھی لگ رہی تھیں لیکن پتا نہیں اب آپ کے چہرے کو کیا ہوگیا ہے۔ حنا کا کہنا تھا کہ یہ کتنی مصنوعی لگ رہی ہے، مجھے یقین ہے فریال اس خوفناک میک آپ کے بغیر اچھی ہوں گی۔سجاد نے لکھا ”آپ کی پرانی تصاویر ان بڑے اور جھوٹے ہونٹوں کے بغیر بہت اچھی ہیں“۔ مدثر نے لکھا ”استغفراللہ“ یہ تو چڑیل لگ رہی ہے۔

متحدہ عرب امارات کی کابینہ نے متفقہ طور پر اسرائیل کے شہر تل ابیب میں سفارتخانہ کھولنے کی منظوری دے دی ہے۔ متحدہ عرب امارات اور اسرائیل کے درمیان گزشتہ برس اگست میں تاریخی معاہدہ طے پایا تھا جس کے تحت دونوں ممالک کے درمیان سفارتی تعلقات استوار ہونے تھے عالمی خبر رساں ادارے کے مطابق سماجی رابطے کی ویب سائٹ ٹوئٹر پر متحدہ عرب امارات کی حکومت نے اعلان کیا ہے کہ کابینہ سے منظوری حاصل ہوگئی اور اب تل ابیب میں جلد سفارتخانہ کھولیں گے۔ تاہم بیان میں مزید تفصیلات نہیں بتائی گئی ہیں۔ٹویٹ میں کہا گیا ہے کہ وزیر اقتصادیات عبداللہ بن توق المری کی سربراہی میں وزرا کی کونسل نے سیکیورٹیز اینڈ کموڈٹیز اتھارٹی کے بورڈ آف ڈائریکٹرز کی تنظیم نو اور اسرائیل کے شہر تل ابیب سفارتخانے کے قیام کی منظوری دی ہے۔متحدہ عرب امارات اور اسرائیل کے درمیان گزشتہ برس اگست میں تاریخی معاہدہ طے پایا تھا جس کے تحت دونوں ممالک کے درمیان سفارتی تعلقات استوار ہونے تھے تاہم دونوں ممالک کے درمیان فضائی تعلقات فوری طور پربحال ہوگئے تھے۔اضح رہے کہ متحدہ عرب امارات، بحرین، سوڈان اورمراکش نے اسرائیل کے ساتھ تعلقات بحال کرنے کے معاہدے پر دستخط کرچکے ہیں اور اس میں کلیدی کردار امریکا نے ادا کیا ہے جس میں صدر ٹرمپ اور ان کے داماد جیرڈ کشنر نے ذاتی دلچسپی لی تھی

چین نے پاکستان کو کورونا ویکسین کا ایک بیچ مفت فراہم کرنے کا اعلان کرتے ہوئے کہا ہے کہ دونوں ممالک طویل عرصے سے وبا پر قابو پانے کے لیے مل کر کام کر رہے ہیں۔ چین کی کورونا کے بعد ڈرگ ریگولیٹری اتھارٹی آف پاکستان (ڈریپ) نے گزشتہ ہفتے آکسفورڈ یونیورسٹی اور آسٹرا زینیکا کی مشترکہ طور پر تیار کردہ کورونا ویکسین کی بھی منظوری دیدی ہے
عالمی خبر رساں ادارے کے مطابق چین کی وزارت خارجہ کی ترجمان ہوا چونئنگ نے میڈیا بریفنگ کے دوران ایک سوال کے جواب میں بتایا کہ چینی حکومت نے اپنے پاکستانی بھائیوں اور بہنوں کے لیے کوویڈ 19 ویکسین کی ایک کھیپ بطور تحفہ فراہم کرنے کا فیصلہ کیا ہے۔ہوا جونئنگ نے مزید بتایا کہ پاکستان کو کورونا ویکسین برآمد کرنے کے لیے تیز رفتار منصوبہ تیار کر رہے ہیں تاہم انہوں نے یہ نہیں بتایا کہ ویکسین کی کتنی مقدار بھیجی جائے گی اور وہ ویکسین کون سی ہوگی۔
گزشتہ روز پاکستان کے وزیر خارجہ شاہ محمود قریشی کی اسی حوالے سے اپنے چینی ہم منصب کے ساتھ ٹیلی فون پر گفتگو ہوئی تھی جس کے بعد پاکستان کے وزیر خارجہ نے اعلان کیا تھا کہ چین نے 31 جنوری تک پاکستان کو کورونا ویکسین کی 5 لاکھ خوراکیں بطور تحفہ دینے کا وعدہ کیا ہے۔اپنی ٹویٹ میں شاہ محمود قریشی نے امکان ظاہر کیا تھا کہ پاکستان کو فراہم کی جانے والی کورونا ویکسین چینی کمپنی سائنو فارم کی ہوگی۔ گزشتہ ماہ ڈرگ ریگولیٹری اتھارٹی آف پاکستان (ڈریپ) نے بھی سائنو فارم کی کورونا ویکسین ہی ملک میں ہنگامی استعمال کے لیے منظور کی تھا۔یاد رہے کہ گزتہ برس کے اختتام پر وفاقی وزیر منصوبہ بندی و ترقیات اسد عمر کی زیر صدارت کوویڈ 19 ویکسین کی خریداری کے لیے خصوصی کابینہ کمیٹی نے سینوفارم سے ویکسین کی 1.1 ملین خوراک خریدنے کا فیصلہ کیا تھا۔