Pakistan

SAEED GHANI

سندھ کے صوبائی وزیر اور پاکستان پیپلزپارٹی کے رہنما سعید غنی کا کہنا ہے کہ الیکشن میں حلیم عادل شیخ جہاں جہاں گئے وہاں فسادات ہی ہوئے، پولنگ اسٹیشنز جانے پر حلیم عادل کے خلاف ایکشن الیکشن کمیشن نے لیا ہے۔
سندھ کے صوبائی وزیر سعید غنی نے کہا کہ کوئی شخص جو خلاف قانون کام کرے اس کےخلاف کارروائی ہونی چاہیے۔
سعید غنی نے کہا کہ تحریک انصاف کو ضمنی انتخابات میں شرمناک شکست ہوئی ہے، ہمارے امیدوار تحریک انصاف کے امیدواروں سے بہتر ہیں۔انہوں نے کہا کہ پی ٹی آئی کی حرکتوں کی وجہ سے ان کے لوگ بھی ہمیں ووٹ دیں گے۔
واضح رہے کہ گزشتہ روز اپنے ایک بیان میں سعید غنی نے کہا تھا کہ حلیم عادل شیخ ایک فتنہ ہے، الیکشن کمیشن کو ان کے خلاف مقدمہ کرانا چاہیے، وہ پولنگ کے عمل میں مداخلت کرتے رہے، انہوں نے خلاف قانون کام کیا، اس لیےانہیں گرفتار کیا گیا۔

Leave a Reply

Your email address will not be published. Required fields are marked *