International

ورلڈ پروٹسٹ

غزہ میں اسرائیلی جارحیت کیخلاف دنیابھرمیں احتجاج جاری ہے۔ لندن۔ کینیڈا۔اسپین۔فرانس۔ناروے اور بنگلہ دیش میں ریلیاں نکالی گئیں۔ مظلوم فلسطینیوں پر مظالم کے خلاف برطانیہ، یورپ اور امریکا میں مظاہرےغزہ پر جاری بمباری اور نہتے شہریوں کی شہادت پر احتجاج کیا گیا۔امریکا کے دارالحکومت واشنگٹن میں بڑا مظاہرہ کیا گیا، اسرائیل کے خلاف اور فلسطین کےحق میں نکلنے والی ریلی شہر کی مختلف سڑکوں سے گزری۔ شرکا نے بڑی تعداد میں فلسطینی پرچم اٹھا رکھے تھے۔مظاہرین نے نیویارک کےویریزانو برج کوبلاک کردیا،،جس کےباعث پولیس اور مظاہرین میں جھڑپ بھی ہوئی شکاگو،لاس ویگاس،بروکلین،ہوسٹن،کیلیفورنیا سمیت دیگرشہروں میں بھی عوام سڑکوں پرآگئے جرمن شہر برلن میں ہزاروں افراد نے اسرائیلی بربریت کے خلاف مظاہرہ کیا، لوگوں نے بائیکاٹ اسرائیل کے نعرے بھی لگائے۔ چند یہودیوں نے پرامن احتجاج کو سبوتاژ کرنے کی بھی کوشش کی۔لندن کے ماربل آرچ سے ہزاروں مظاہرین فلسطینی پرچم لہراتے سڑکوں پر نکل آئے، مظاہرین میں خواتین اور بچوں سمیت ہر عمر کے افراد موجود تھے، مظاہرین فلسطینیوں پر اسرائیلی جارحیت کے خلاف شدید نعرے بازی کرتے رہے۔آسٹریا میں بھی شہری اسرائیلی بربریت کے خلاف سڑکوں پر نکلے، پولیس نے چند مظاہرین کو دھر لیا۔کینیڈا۔ اسپین اور بنگلہ دیش میں بھی لوگوں کی بڑی تعداد نے فلسطینیوں سے اظہاریکجہتی کرتے ہوئے احتجاج کیا۔ مظاہرین نے مطالبہ کیا کہ عالمی برادری اسرائیلی فورسز کی جارحانہ کارروائیاں روکوانے کے لیے فوری اقدامات کرے۔

Leave a Reply

Your email address will not be published. Required fields are marked *